本帖最後由 紅彗星 於 14-10-2010 23:53 編輯
官方突然宣佈關服,真係嚇左我一跳 我果陣既心情可說是悲喜交集,悲既係要同咁多位相識咁耐既好朋友說再見,喜既係大家終於可以得到解脫,唔洗再受gameone氣.
我都唔記得左介紹自己tim,可能有d人唔識我
我係 專屬車手一瘋 及 獨領風騷 本人:lol 同埋現時既 曖昧
初黎報到
我係2008年10月27日加入光線
記得我當時為左架''JE98''而做主線升LV
日日做主線,玩到我有D悶..所以果陣我隔左一排冇玩
過左一段時間之後,我又想玩番~一玩番就見到有少部份人已經40LV左;P
而我亦都努力升lv沖上南山~
加入ESGS
沖上了20LV,我就發覺GB既重要=.=
所以我做左人生既第1個沉重既決定-放點~~
我都唔記得左係放幾多點啦,果次係我第一次以先點後錢既形式放點~
過程真係非常之刺激,真係好鬼驚佢會昆我~
呢個''佢''係邊個呢?
就係我係呢隻GAME第一個識既好朋友-ING爺們
成功放點之後我亦都加入左ESGS
記得果陣ESGS入面既非內地人係五隻手指數得哂=.=
入到去ESGS之後,我當然不斷請教咁多位高手各種遊戲技巧 a_a''
仲識左幾個內地黎既好朋友~包括:小飛俠冰人,花滿樓,MVP征服,金逍遙 等等
當然仲有果時既版主-7灰~(仲記得果陣係南山我見到呢個人個名熟口熟面,就問佢你係咪果個版主,跟住就同佢做左FD~)
果陣我真係對大陸人既感覺完全改觀,以往玩其他遊戲只係覺得大陸人好煩好唔鍾意佢地
由果陣開始,每次係大頻見到有人講大陸狗呢d字眼,我一定第一時間出黎糾正佢地;P
我絕對相信港人一定可以同內地玩家和平共處
直到我沖到上30幾LV,我就開始接觸地盤戰,亦開始發覺左打地盤既樂趣a_a''
用語音軟件邊用mic講野邊打地盤真係好過癮,雖然佢地個個都講普通話,但我都盡量聽同埋用番普通話同佢地溝通:lol
果陣開始我既技術都開始成熟亦都集齊左人生第一套狼 我亦成為左ESGS既副隊 p.s 當時ESGS既隊長係ESGS三怪頭
話說當時剛出了大牛任,好多人都開始刷40組,佢地亦都帶我刷35精A_A所以我亦都極速升上35LV以上~
CIT一統天下
過左冇幾耐,ESGS內部因為個別玩家某些原因,某人帶領ESGS眾位老手過檔CIT(當然我係其中一個),ESGS從此沒落.另外要多謝星雪係當時肯汁番ESGS呢個爛攤子搞到宜家有聲有色
加入CIT既同時,我又認識左好多好朋友~包括萍妹,艾,Eric,電J,kisiu,速星,MK,追風,眼鏡蛇,SUGAR 等等(人數眾多未能盡錄)
當然唔少得edix,仲記得同佢''相認''果陣佢話:其實我廿幾LV果陣就係比賽見過你啦,你仲用架野馬跑嬴我><(以上對話edix要求我打出黎)
到我沖上40LV之後~我亦都開始同佢地刷40組,刷左一個月左右我就頂唔順放棄左出大牛呢個念頭(等出GT算)
係呢個時候 冰人佢地開始淡出光線 亦都係呢個同時 我識左火炮,軒Q,神扯,車尾,一個人等等咁多位好友 當然我緊係拉埋軒Q同神扯入CIT啦;P
不久,我地就開始為左佔領4區而努力~皇天不負有心人~終於達成左呢個目標,亦都係呢個同時,我地同不少車隊結怨
抄萍妹一句~所謂物極必反,CIT內部因為暴走及其他問題,令我地未能團結一致,漸漸守唔住4區,CIT開始沒落
轉戰天堂
CIT解散後,萍妹帶領眾人進佔赤鳳(即係Phoenix天堂前身)
係呢到~我又認識左好多好朋友,包括yan,東爺,魂,火炮等等數之不盡~
冇幾耐,我開始無心戀戰,賣掉 專屬車手一瘋 呢個AC,淡出光線.
又過左2-3個月,我又想玩番光線喎,所以開左 獨領風騷 呢個AC
極速係3個禮拜之內升上40LV並完成GT任,呢段時間真係又開心又痛苦=.=對住苗順仲多過對住屋企人;P
熱情大減
基本上出完GT之後 我對光線既熱情度大減=.=
之後一直都係hea玩~得閒就升下LV~星期六日就幫手打地盤咁樣~
直至暴走驚見飛天人士及見識到官方的無能,我對呢隻GAME已經係半放棄狀態
最後終於忍唔住賣左呢個AC
賣AC後,我就開左 曖昧 呢個AC得閒ON黎同大家吹下水~
果時天堂既主力成員都已經過哂去魂所開既nightclub,從此與世無爭,不參與地盤戰
最後,RCO就成為左我同咁多位好友吹水既平台
感想
我明白到當官方宣佈關服既時候大家既心情
大家都非常不滿,但其實由暴走開始出現飛天狗果個時候開始
大家亦都發現官方既無能同埋發現官方根本係對呢隻GAME持放棄態度
呢隻GAME一早已經開始沒落,由暴走人數得知隻GAME既玩家不超過大約三百人
其實大家都預左隻GAME一定會汁粒,只係遲早既問題
但因為大家都抱住有得玩就玩落去既心態 所以對RCO不離不棄
如今RCO汁粒已成事實,見到樂古有一班人開D叫官方還錢既帖
其實大家有冇諗過玩呢隻遊戲對大家最大既得著係D咩?
係咪錢?係咪鷹套?係咪傳說車?係咪45LV?
我可以好肯定咁答你,一定唔係!
對我來說,玩呢隻遊戲令我得到既係友情,同埋快樂既時光
特別係排隊買J車,西九同埋車神決賽呢3日既聚會,見到咁多係遊戲入面認識既好朋友,我真係覺得好開心
日日online同咁多位朋友吹水,甚至一D唔會同屋企人講既事會同咁多位光線朋友分享
呢D野係其他遊戲係做唔到既,可以咁講,呢隻遊戲唔再係虛擬既online game,RCO係真係融入左我既現實生活當中
最後剩番2個月既時間,希望大家享受埋落去~enjoy it~
that's all for my sharing, 多謝~
p.s 好友太多未能盡錄不好意思
附上最後的合照
|
[複製鏈接]
發表於 14-10-2010 11:06:35
收藏
轉播
分享
淘帖
支持
反對
變色卡
樓主
