同女友日嘈夜嘈..

受傷的人

唔想比人知..但係好想抒發下 所以開左一個新ac..
我係一個好小器既人
唔鍾意女友多男仔fd
唔鍾意佢著得小布
唔鍾意佢同男仔sms
只係想佢既生活只有我..
一年前同佢開始
一直都過得好開心
過左兩個月..
佢覺得同我第二個女仔有路
唔準我搵佢
但係我呃左佢幾次都搵返個女仔
因為個女仔係我唯一既女仔fd
唯一一個可以傾訴既對象
結果.我都為左佢而放棄個女仔fd
但係經過個次之後佢就成日話我溝女
但係事實上我根本一個女仔fd都無..
我每日既生活 除左返學 打波 打機 陪佢 ..
根本就無第二d野
電話入面大部份msg都係佢
其他既都只係問野或者約出黎打機打波..
我唔明點解咁都可以話我溝女
相反 佢試過同男仔單獨出街..食飯.影貼.睇戲
我唔開心..結果變左係我錯
因為係個男仔去外國讀書所以先陪佢半日
要我氹返佢
佢應承我會唔再同男仔sms 結果又不斷呃我
點解每次佢呃左
個結局都係 有人同佢講我溝女 佢唔開心所以搵人傾計
結果又係我氹返佢
從來無佢氹返我..

ls006493

樓主幾歲...

受傷的人

中學生..

兇星

過來人~~SAY 個HI

元氣大佬

一係放手 一係忍受

lovelovecow

不要迫得太緊~_~

叔火相傳

見係樓主曾經有同我既經歷都有部份相同類似同你分享下
其實仲有好多 不能盡錄

果時同你一樣 唔係太鍾意女朋友太痴男仔FD
同你一樣只係想佢既生活只有我..
[(1)個人心得拉到最底]
同佢一齊開心左兩個月
到佢呃住我出去溝A君
其實我一直都知道
只不過係扮唔知
我仍然係不停呃住自己
佢會有一日醒 會知道我對佢好 一定會番黎
所以我每一日都好乖咁 等佢電話 SMS
每一日都對佢好好 佢想要咩 我都盡量去做
就算唔食LUNCH 都去滿足佢需求
而佢對我既承諾 每一次都無兌現到
每一次比我希望 每一次都帶來失望
我真係到諗 點解你仲要比埋晒呢D咁無謂既希望我?
問題持續左5個月
到佢同A君散左之後
到B君
其實幾時轉手我都知
又係扮唔知
又係咁好對佢
而佢仍然呃住我
仍然係講大話
仍然係比埋晒D假希望我
到底佢幾時先會醒?
過多一兩個月
佢又同B君散左
搵番我幾日
又走左去
原來又有C君
我直頭崩潰
到底仲要去到幾時 佢先真係會醒?定係永遠都唔會醒?
我諗都唔洗諗 係時候做番個真男人 同佢嘈


10個月感情 我為佢而放棄作為一個男性應有既尊嚴
小男人 咁關懷佢去愛佢 而佢剩係識利用我
佢錯 我認 有氣 我受 佢要 我買
到最後我得到D咩?
傷痛 出賣 欺騙 憎恨
而我為佢損失左D咩?
金錢 精神 時間 學業 感情 尊嚴 性格 出賣
7-31-09 - 5-28-10
其實由佢3月同B君一齊
我由3月開始自甘墮落到呢家8月-.-
仍然忘不了 雖然我恨 但仍然是愛

但諷刺地去到呢家
我不能夠再相信感情
而我既性格都因佢而改變
唔會再仁慈
人善人欺
要係人欺你之前 恨恨的踐踏在他人之上
---------------------------------------------------------
(1)當然你我都唔可以咁自私干涉佢識朋友
但係你作為佢男朋友 你覺得呢D所謂既男性朋友令你覺得不安 好無安全感
你係有權要求女朋友盡量減少接觸異性朋友 比你一下安全感
老實講 安全感 唔係女性專利
唔好話老土 成個女人咁
男性都需要有安全感

(2)就算你呃佢幾次都好 至少你最後有為佢而改過
相反 佢呢? 有無為你而放棄果堆異性朋友?
點解佢仲要呃你?
你再諗下你為佢付出幾多?佢為你付出左幾多?
佢到底有無真係拎個心出黎?
到底你係佢男朋友?定係果班異性朋友先係?
點解自己作為男朋友待遇同朋友完全唔同!?
其實你自己內心已經有一個答案
無論自己做得幾好都好
點解每次都係自己受氣?
佢有無尊重到你係佢男朋友?

當你去到忍無可忍既時候
你都會好似我一樣 最後都係選擇番 霸氣

作為一個男人 最重要就係 霸氣
連霸氣都無 學咩人做咩男人

雀雀

佢試過同男仔單獨出街..食飯.影貼.睇戲??

點解仲要一齊?        一句,,,    你很傻!
愛不是這樣愛!