女朋友話我好唔識諗...

myhk2011

我係男仔...先講講背景...有D長...sorry~
上個星期因為某D事同老闆嘈...所以佢即刻炒左我...(其實E句唔重要
重點係E幾日我每日都有SEND 10幾封E-MAIL搵工...但都冇回音...
又打算讀PART-TIME DEGREE...不過E+10月人地先岩岩開學...2011/12年既課程連information都未有...真係急都急唔黎...

每日搵工+搵返學資料+睇短期課程...最多都係半日搞掂...
我本身又唔鍾意打機...上網都上到悶
所以就出街行下散下心咁...行街見到D靚既得意既野就好自然會買比佢...

E幾日因為太無聊...所以連續幾日都去左接佢放工...(佢做SALES的~每晚放9點半

佢尋晚話我每晚都去搵佢好困擾...佢需要D私人時間~唔係返工就陪我好冇自由...就算結左婚老公老婆都唔會日日見... (我明...所以我應成佢以後唔日日搵佢...
之後話我晒錢買野比佢...佢唔係果D貪物質既港女...我買野比佢唔會令佢開心... (我答佢我買野比佢係想哄佢開心ONLY...件野係咩都唔重要... (講完好似火上加油
佢話我咁大個人都唔識諗...剩係識搵佢...令佢好大壓力..."你係識諗就應該襯得閒搵下好耐冇見既朋友~陪下屋企人~做D你自己想做既事..."

我感覺自己有D迷失...做人真係好煩 要學業事業社交興趣面面俱圓先真係叫做識諗嗎...?

其實我都諗左成晚...我結論係:
我一直覺得要愛情好(即係令佢幸福) 就要事業好(搵到錢) 就要學歷好(搵到好工)...所以可能忽略左社交(朋友同屋企人)...係錯嗎...?
由於所有野都係建基於愛情(令佢幸福)...我讀書我返工真係為左搵錢令佢幸福...正所謂貧賤夫妻百事哀...係咪咁所以令佢好大壓力?
我應該點做...好迷茫...Thx..

789789xxpk2020

貧賤夫妻百事哀係邊條粉腸講嫁?貧=賤麼?呢點我唔認同,靚仔,呢個世界唔一定好有錢至開心嫁?你梗係唔知好多有錢人其實內心都好空虛頂啦。
問:我一直覺得要愛情好(即係令佢幸福) 就要事業好(搵到錢) 就要學歷好(搵到好工)...所以可能忽略左社交(朋友同屋企人)...係錯嗎...?答:錯就唔係話錯既,只係你諗野有d問題,簡單d黎講即係蠢,令另一半幸福係岩,無錯,但係首先你要知道佢鍾意d咩,唔鍾意d咩,如果唔係,只會得不嘗失,呢樣你做得一半,第二,事業,事業好=搵到錢?唔岩,一個人一個月搵到幾千蚊都係搵到錢呀,但係你覺得好唔好鴉?我就覺得唔好啦,仲有,我唔知你因為咩事而同老闆嘈,但係係人都知道老闆永遠是對的,就算你知道佢唔岩都好,你都唔好同佢嘈,如果唔係一樣只會得不嘗失,第三,學業,呢個我唔講太多,只係可以同你講要努力,唔可以懶,第四,朋友同屋企人,朋友呢樣野呢,就要睇人既,個人係好既咪同佢做朋友,傾多d計囉,壞既,識唔識都無所謂啦,屋企人就絕對唔可以忽略,因為若果親人你都唔重視,你就唔係一個好人,屋企人養到你咁大,養育之恩點可以唔報,就算你唔報,都唔可以不孝,但係如果我係你個女朋友,你連屋企人都忽略,我就採你都傻lu,你都唔係怒既,屋企人都唔理

雪X天翼

就算結左婚老公老婆都唔會日日見...(一齊住唔日日見??).......(有邊個女仔唔想男朋友陪佢多d)........你係識諗就應該襯得閒搵下好耐冇見既朋友~陪下屋企人~做D你自己想做既事(好耐冇見ge朋友---你lo)(屋企人?咪係你lo...我當你係架la)(自己想做既事??咪同女朋友開開心心咁係埋一齊lo).......我有少少質疑你女朋友重愛5愛你....定係開始覺得你煩......老友小心d好wo.....=.=(恕我直言)

hillidwai

cool少少掛

Renne

我係男仔...先講講背景...有D長...sorry~
上個星期因為某D事同老闆嘈...所以佢即刻炒左我...(其實E句唔重要 ...
myhk2011 發表於 16-10-2010 09:06

證明你女朋友好成熟,一係就佢對你無咩FEEL,唔想見你,得呢2個可能性,前者你就幸福了~

小§粒

佢話我咁大個人都唔識諗..剩係識搵佢...令佢好大壓力..."你係識諗就應該襯得閒搵下好耐冇見既朋友~陪下屋企人~做D你自己想做既事..."

搞錯牙,我想搵人同我傾訴下姐,你話好大壓力?

咁我搵邊個傾訴啊?

依加又吾係叫你搵埋我個份-

想你同我傾下計姐,咁都有壓力

玄奇月

只可話性格一南一北    當工作或前路迷惑時
  其實最真城同不會騙你的    當然問過來人你的爸或媽
      一個忠告    你同女友的感情有危機   小心攪攪它   不可急