有點心灰..依加完全5知點好

寬衣十八醉

既然都離離合合左咁多次, 咁你地係因為乜野番埋一齊先 ?

如果只係因為唔捨得段感情而放唔低, 我更加建議你放低

真係開心嘅, 繼續拍拖先囉, 拍拖呢個階段就係比你咁用, 冇話拍過拖唔甩得


比D信心自己同埋對方, 仲有對呢段感情要有信心
若然怕對方嫌你煩, 又怕自己煩到人, 就係信心不足, 總係怕會散


有野再一齊討論^^

寬衣十八醉

我係因為仲好中意佢.....
我已好盡力挽留了....
點解之前分左咁多次都可以一起番係因為我同佢之前都係5了 ...
小星琳 發表於 30-12-2010 21:17

咁依家一定好了解對方啦 ?
你仲鍾意佢, 你自己都好有決心, 咁即係冇咩問題 ~

寬衣十八醉

未.....佢覺得我5了解佢
小星琳 發表於 30-12-2010 22:01

有冇諗過第一次係點樣一齊 ? 之後又點解分開 ? (講緊第一次咋 ~)

到依一刻, 你仲係覺得自己唔了解佢, 咁又真係有D問題喎 !

你又覺得佢了唔了解你呢 ? 係唔係兩個人都面對咁嘅問題先 ?
如果只係單方面, 咁之後嘅日子要更加更加用心啵

同埋, 其實你地依家過成點呢 ?

寬衣十八醉

UM......點一起我忘了....
但我個次同佢係因為我覺得我對佢來講好似可有可無咁....
早上1個sms....悶打來 ...
小星琳 發表於 30-12-2010 23:12

算係大家都覺得心入面有D野掛 !

講番第一次分開, 可以話係存在感唔夠, 可有可無, 即係你根本做唔到陪伴佢嘅角色
同佢一樣咁做, 都係大家幫來幫去, 咁樣先多交流, 多溝通

電話唔傾係你唔主動定佢唔鍾意先 ? SMS其實幾恰人, 因為短短一段文字, 好多野都難以表達 !
傾電話會有節奏, 聲線, 語調等等變化, 都有助了解對方 ~ 例如平時出街你可以一聽佢語氣就知佢諗緊咩, 知道佢諗法, 大家配合可以好D


講幾多年都係呢句, 拍拖係兩個人嘅事, 互相配合係必須
況且你都意識到問題應該喺大家了解不足, 又或者有誤會, 但係冇講清楚就變成唔多願出聲

佢識關心你, 證明你們之間仲係有愛嘅, 未來日子可以試下比多D信心, 你好似成日怕散咁呀 !
你地D關係算咩呢 ? 有少少想講又唔敢講嘅心態 ! 好似某D說話, 一講咗就引爆炸彈 ?


你先繼續落去啦, 因為你再諗, 一時之間都做唔到D咩, 呢種情況係需要時間嘅 !

寬衣十八醉

講真我真係1個好5得閒ge人....
好多時候佢好想我陪佢....但我都冇時間陪佢.....
到我有時間佢又冇時間... ...
小星琳 發表於 30-12-2010 23:41

咁又唔洗咁灰心, 好多人都係咁, 呢個係香港嘛 ~
要維持總有方法, 愛情真係冇咩限界, 唔知好定唔好, 總之愛情係任你, 要嘅就係兩顆心 !

先陪佢過左2010, 睇下可唔可以開開心心過 ? 比番D存在感佢, 有你陪佢會開心, 佢因你而快樂 ~

佢忙, 你都可以打個電話, 問下佢點辛苦, 有冇受人地氣, 有咩唔開心, 一齊傾, 齊齊面對囉 !
點解伴侶叫伴侶 ? 就係要陪伴架嘛 ! 放輕鬆, 經過咁多次挑戰你地依然喺埋一齊, 係幾難得嘅一件事

冇經歷過, 你地又點會有美好嘅回憶 ?

放心, 盡可能聽日陪佢一齊過 ~ (或者你地本來就已經打算一齊過 ? 如是者, 我蠢左)

寬衣十八醉

今日我仲要去練跑...
晚上父母好小比出.....
同埋我約佢一起都練...佢都話累推左我..... ...
小星琳 發表於 31-12-2010 08:34

最後一日都唔得 ? 有D可惜, 因為兩個人齊度過真係甜蜜D ~

咁身體要休息係正常, 你都體諒下佢, 睇下佢點解攰啦
亦可以喺佢話攰, 推辭你嘅時候, 你同佢約定下次佢要陪你練, 係兩個人之間承諾 !

話時話, 你父母唔放心交你比男朋友照顧 ?

寬衣十八醉

可能係因為我得16歲又係全家最細個個啦....
小星琳 發表於 31-12-2010 20:16

咁都無可厚非嘅, 重點係全家最細 ~ 好自然會覺得你係細, 即使你都16歲女
By the way 男方幾多歲 ? 聽你講落, 我覺得佢好似大過你2年左右咁樣 ?

寬衣十八醉

佢17大我1年...
小星琳 發表於 31-12-2010 21:40

預多左一年, 佢平時好多野做 ? 我睇番之前D帖, 佢真係幾唔得閒理你咁 ?
始終我都係建議多溝通, 大把人拍拖係咁傾電話, 你地離離合合一來少有, 二來應該有所得著 ~

試下由SMS轉成傾多D電話, 甚至多D約出嚟 (唔一定係二人世界嘅, 可以喺朋友面前晒下甜蜜啦 ?)

不過, 睇嚟我暫時都唔係好幫到你, 我就少講廢話啦


呀, 另外係, 新年快樂 ! ^^