《晴空物語》遊戲短評

wingchui

前文：《晴空物語》遊戲短評

前文講過既野今次唔在重覆打多次 , 因為我發覺大部分都無咩用別 , 包括耐玩度 ,只係純粹拖長左大家玩既時間ONLY ,
所以想參考返 A. 畫面、音效、B. 上手容度度、C. 便利性、D. 系統完整度、E. 耐玩性、F. 我認為暫缺的東西，呢幾項野既各位可以點返上我上一篇文睇 ,
而今次呢篇主要補返上次無講既商城系統 , 上次無講既原因係因為上次無開放呀 。



G.  商城吸引力與平衡性

評分：● ● ● ○ ○

雖然今次係商城開放既野唔算太多，而且D價格亦都係亂黎，所以除左係售價外，吸引度同平衡性都係可以一評既。
首先想講既就係較吸引我注目既SP恢復藥水(即變身能源)，雖然呢一樣野我相信出售的話係好吸引人去購買，前題要唔貴啦，但無疑呢樣野亦都係會令到隻GAME唔比衡既地方
相信有入過去玩既人都知變身後既能力優勢係都幾強大，加滿左變身技就更橫行啦，但遊戲內填滿1000SP可以變身16秒，而計埋你一路打怪會一路再累積SP值，變身22-25秒上下都係無咩問題既，而果枝SP恢復藥水根據說明係即時回復1000SP , 換言之配合果枝野係可以不停地變身，雖然佢係每30秒先用到一次，但其實差別唔大；係打副本果陣變到長大家可能會覺得「幾好呀，唔錯呀，易打D」，這我沒有異議，但如果係係將來既戰場系統啦喎，呵呵我唔敢包啦!!! 。

其次既就係捉寵物既道具，係官方既新聞稿中，變身同寵物系統都係佢地強調既一個吸引點，雖說遊戲中都有得買，但其實果舊只係去到25LV之前既怪物先捉到，換而之大家要捉25LV打後既請到商城購買，甘係唔係某程度上既扼殺左自己既遊戲特點呢？大家都知官方唔係開善堂，但如果遊戲中有得買可捕捉所有等級既怪物道具，而商城賣既係提高成功率或較高機率捕捉到優質怪物(藍寵)既捕捉道具，成件事係唔係會好D呢?

其三既係外觀系統，我唔知傳奇係咪真係認為佢設計出黎既變色系統好吸引大家，而把成個商城外觀類賣既野都係佢唔同顏色既染色劑，甚至連所謂獎品大部分都係染色劑，但可以的話唔該比番D時裝我買，事關我真係唔覺呢個系統係吸引= =。

最後，唔好又做好人將防爆打洞器呢D野放晒係任務內啦，不論可唔可以交易都好，當大家知道可以屈之後就會揀去屈多於去商城買，到時你又要改的話結果唔洗多講啦，前車可鑑呀。

題外話 , 我極度建議把重置技能改為無限等級 , 一黎商城賣重置道具未必多人會買，事關始終呢樣野你地定價都唔會平 ， 二黎重置技能真係有潛質可以發展成一個幾強大既回收金幣系統。